Dalin në dritë detaje të reja në lidhje me operacionin ‘Baza’ që bëri të mundur zbulimin dhe sekuestrimin e nje arsenali të vërtete armesh nga policet e komisariatit Nr.6 në Tiranë.
Personi i arrestuar në flagrancë në këtë operacion është Ramazan Alla 64 vjec.
Në vitin 2012 ai ishte kapur nga forcat e rendit sërish për armëmbajtje pa leje.
Në atë kohë ai i dha ryshfet një shefi krimesh në policinë e Tiranës për ti shpëtuar prangave e për këtë efektivi i policisë u arrestua.
Ndërkohe për momentin policia nuk bën të ditura detaj të tjera në lidhje me operacionin e fundit këtë të premte ndërsa mësohet se i arrestuari po merret në pyetje lidhur me klientelën e armëve pasi dyshohet se janë përdorur në ngjarje të rënda.
Ramazan Alla e kishte përshtatur banesën e tij si magazinë për 3 automatik, 3 snajpera, 3 armë sportive si dhe municion luftarak të llojeve të ndryshme, silenciatorë dhe pjesë armësh zjarri.
VIDEOJA
TiranëFinalizohet operacioni policor i koduar “BAZA”.Operacioni nga Komisariati i Policisë Nr.6, në bashkëpunim me Specialistët për Hetimin e Krimeve në D.V.P. Tiranë dhe Prokurorinë e Rrethit Gjyqësor.Zbulohet një bazë që furnizonte me armë grupet kriminale dhe personat që merren me veprimtari kriminale.Sekuestrohet një arsenal armësh dhe municion luftarak.Në vijim të punës për, zbulimin dhe vënien para përgjegjësisë ligjore të autorëve të vjedhjeve me armë të bizneseve apo banesave, nga Specialistët për Hetimin e Krimeve të Komisariatit Nr.6, në bashkëpunim me Specialistët për Hetimin e Krimeve në D.V.P. Tiranë dhe Prokurorinë e Rrethit Gjyqësor u bë arrestimi në flagrancë i shtetasit :- Ramazan A, 64 vjeç, banues në Tiranë (i dënuar më parë për “Prodhim dhe mbajtja pa leje e armëve dhe municionit luftarak).Ky shtetas kishte përshtatur banesën e tij në një bazë e cila iu shërbente grupeve kriminale apo personave që merren me veprimtari kriminale për furrnizim me armë zjarri.Gjatë kontrollit të ushtruar u gjetën dhe u sekuestruan në cilësinë e provës materiale :- 3 armë zjarri (automatik model 56 dhe dy pushkë gjysmë automatike).4 armë zjarri të çmontuara (3 snajpera dhe 1 armë sportive).- dy armë sportive.- municion luftarak i llojeve të ndryshme, silenciator dhe pjesë të ndryshme armësh zjarri.Per arsye hetimi nuk bejme me dije te dhena te tjera.Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale të “Mbajtja pa leje e armëve lufarake dhe e municioneve” dhe “Prodhimi dhe mbajtja pa leje e armëve të ftohta”, parashikuar nga nenet 278 dhe 279 të Kodit Penal.
Posted by Policia e Shtetit on Friday, August 3, 2018
