Arrestohet i dyshuari si autori i vendosjes së eksplozivit në banesën e Gazmir Dacit, më 27 korrik.
Gjithashtu policia thotë se ka zbardhur dhe dinamikën e ngjarjes, autori i së cilës ishte paguar për të vendosur sasinë prej 500 gramë lëndë plasëse në banesën e shtetasit XH.D.
Operacioni për arrestimin e Vilson Brahaj, 23 vjeç u kodua “Pagesa”
“Specialistët për Hetimin e Krimit në Komisariatin e Policisë Numër 5 Kamëz, në bashkëpunim me Specialistët e Seksionit Kundër Krimeve ndaj Jetës dhe Pronës në Drejtorinë Vendore të Policisë Tiranë, pas një punë profesionale si dhe bazuar në informacionet e grumbulluara në rrugë operative, mbrëmjen e djeshme kanë finalizuar me sukses operacionin policor të koduar “Pagesa”, ku është bërë e mundur zbardhja e ngjarjes së ndodhur më datë 27.07.2018, në rrugën “Martin Camaj” Bathore, ku në banesën e shtetasit Xh.D., është vendosur lëndë shpërthyese, duke shkaktuar vetëm dëme materiale. Në kuadër të operacionit u bë kapja dhe ndalimi i autorit të dyshuar të kësaj ngjarje: Vilson Brahaj , 23 vjeç, lindur në Kukës dhe banues në Kamëz ,Tiranë.”Nga tërësia e veprimeve të kryera dyshohet se ky shtetas kundrejt pagesës ka vendosur sasinë prej 500 gramë lëndë plasëse në banesën e shtetasit XH.D.”
Gjendet dhe makina
Shpërthimi ndodhi rreth orës 01:30 minuta dhe kamerat e sigurisë kishin arritur të filmonin personin që kishte vendosur eksplozivin në vilën 3 katëshe e regjistruar në emër të të atit të Gazmir Dacit, Xhevdet Daci. Pasi vendosi eksplozivin autori u largua me një makinë
“Autori i dyshuar pas kryerjes së krimit ka hedhur në lumë tek “Ura e Tapizës” rrobat e përdorura gjatë kryerjes së krimit, ndërsa automjetin e kishte fshehur në një bodrum afër “Urës së Tapizës” sqaron policia e cila për arsye hetimore nuk bën me dije të dhënë të tjera .
Ndërkohë ështës sekuestruar dhe automjeti me të cilin autori ka lëvizur dhe transportuar lëndën lëndën plasëse në banesën e Dacit
Materialet do ti kalojnë Prokurorisë së Rrethit Gjyqësor Tiranë në ngarkim të shtetasit Vilson Brahaj, për veprën penale “Shkatërrimi i pronës me eksploziv”, parashikuar nga neni 152 i Kodit Penal.
