Policia e qytetit Elbasan ka bërë me dije arrestimet e fundit mbrëmjen e 28 Korrikut teksa ka bërë zyrtare edhe emrat e të arrestuarëve.
Blutë e qytetit shpjegojnë edhe arsyet e arrestimit të tyre.
NJOFTIMI I POLICISË
Nga Specialistët e Hetimit të Krimit në Komisariatin e Policisë Elbasan/Librazhd/Cërrik, u arrestuan në flagrancë tre shtetas për veprat të ndryshme penale dhe konkretisht:
• Elis Sina, 33 vjeç, banues në lagjen “Aqif Pasha”, Elbasan.
Pasi në lagjen “Aqif Pasha”, ky shtetas për motive të dobëta është konflktuar me shtetasin S.B., 60 vjeç, banues në Elbasan, duke e goditur me grushta dhe si pasojë i ka shkaktuar dëmtime të rënda, i cili është transportuar në Spitalin e Elbasanit dhe ndodhet nën kujdesin e mjekëve.
Materialet i kaluan Prokurorisë pranë Gjykatës së Shkallës Parë Elbasan, për veprën penale “Plagosja e rëndë me dashje”, të parashikuar nga neni 88 i Kodit Penal.
• Mentor Hysa, 52 vjeç, banues në Belsh.
Pasi ky shtetas për motive të dobëta ka ushtruar dhunë fizike e psikologjike ndaj bashkëshortes së tij shtetases A.H., 48 vjeçe, banuese në Belesh.
Materialet i kaluan Prokurorisë pranë Gjykatës së Shkallës Parë Elbasan, për veprën penale “Dhuna në familje”, të parashikuar nga neni 130/a të Kodit Penal.
• Agron Muzhaqi, 44 vjeç , banues në fshatin Polis, Librazhd.
Pasi ky shtetas në malin e fshatit Polis, për motive pronësie, ka goditur me mjet të fortë (dru), shtetasin F. Zh., 23 vjeç , banues Librazhd.
Materialet i kaluan Prokurorisë pranë Gjykatës së Shkallës Parë Elbasan, për veprën penale “Plagosja e lehtë me dashje”, të parashikuar nga neni 89 të Kodit Penal.
