Policia e Shtetit ka bërë me dije detajet e arrestimit të 53-vjeçarit nga qyteti i Cërrikut i cili kishte tentuar të përdhunonte në ambjentet e banesës së viktimës, vetë 73-vjeçaren me iniciale R.T nga qyteti i Cërrikut, shtetase shqiptare.
NJOFTIMI I POLICISË
Nga Specialistët e Hetimit të Krimit në Komisariatin e Policisë Cërrik, u arrestua në flagrancë shtetasi:
T.A.,53 vjeç, banues në fshatin Shalës, Cërrik, (i dënuar më parë për veprën penale “Dhunë në familje”)
Ky shtetas u arrestua pasi dyshohet se ka hyrë në banesën e shtetases R.T. 73 vjeçe, banuese në Cërrik, dhe ka tentuar të kryejë marrëdhënie seksuale me të, pasi në banesë nuk ka pasur asnjë familjar.
Materialet i kaluan Prokurorisë pranë Gjykatës së Shkallës së Parë Elbasan, për veprën penale “Marrëdhënie seksuale me dhunë me të rritura e mbetur në tentativë” e parashikuar nga neni 102, 22 i Kodit Penal.
