Nënsekretari i Shtetit për Çështjet Politike, në Departamentin e Shtetit Stephen Mull shpreh mirënjohjen dhe vlerësimin e SHBA-ve për partneritetin me Shqipërinë.
“Këtë javë pata kënaqësinë të takoja Ministrin e Jashtëm të Shqipërisë, Ditmir Bushati në Uashington për të diskutuar kontributin e madh të Shqipërisë në komunitetin Transatlantik. SHBA është me fat që ka miq të tillë”, shkruan Stephen Mull në Twitter pas takimit me ministrin e Jashtëm, Ditmir Bushati.
This week I really enjoyed meeting Albanian Foreign Minister @ditmirbushati here in Washington to discuss Albania's great contributions to the Transatlantic community. The U.S. is lucky to have such friends! pic.twitter.com/vp3gnxokbX
— Stephen D. Mull (@SteveMullUSA) July 26, 2018
Ky i fundit ndodhet në Uashington ku po merr pjesë në Ministerialin mbi “Lirinë Fetare” me ftesë të Sekretarit të Shtetit, Mike Pompeo.
Mull dhe Bushati zhvilluan një takim më herët gjatë të cilit zyrtari amerikan theksoi rëndësinë strategjike që SHBA-të i japin integrimit të Shqipërisë në BE dhe vazhdimit të zbatimit të reformave të brendshme.
Ai falënderoi Shqipërinë për kontributin e çmuar si në kuadër të NATO-s ashtu dhe si faktor konstruktiv në rajonin e Ballkanit Perëndimor.
