Saimir Tahiri është sot, njeriu më i sulmuar jo vetëm politikisht, por edhe mediatikisht.
Atij është duke iu bërë një gjyq i përditshëm publik, edhe pse deri më tani, Prokuroria nuk ka arritur dot të vërtetojë asnjë nga akuzat e saj të bujshme për Tahirin.
Pak ditë më parë, Saimir Tahiri udhëtoi drejt Gjermanisë.
Kaq u desh, që atij t’i “hidheshin” sërish në grykë, duke aluduar se po arratisej.
Gjë që nuk ishte e vërtetë.
Pastaj thanë se Tahiri kishte shkelur urdhërin e Prokurorisë, për të mos dalë nga Shqipëria.
Gjë që dhe kjo nuk ishte e vërtetë, pasi nuk ka asnjë vendim që e ndalon Tahirin të dalë jashtë Shqipërisë.
Prej dy-tre ditësh ndërkohë, shkruajnë se Saimir Tahiri gënjen për arsyet e vizitës në Gjermani, pasi babai i tij, ka qenë për t’u vizituar dy javë para vizitës së Tahirit në Gjermani.
Është gallatë në fakt gjithë kjo marrëzi, pasi vetë Tahiri nuk ka deklaruar për askënd, se ka qenë në Gjermani për të vizituar të atin në spital.
E vetmja gjë që ka thënë Tahiri për mediat, të cilat kishin dalë për ta pritur në aeroport, a thua po zbriste një super star, ishte “Ça bëhet kështu…..Jepini fund kësaj estrade…është komplet pa sens, pa sens”.
Pra, kanë ngritur një çështje të tërë, pa pasur asnjë fjalë të Tahirit.
Nxorrën lajmin për vizitën e tij në Gjermani, pastaj që ai vizitoi babain e sëmurë, pastaj thanë se në fakt nuk kishte shkuar në spital, ndërsa tani kanë gjetur edhe hyrje-daljet e Bashkimit Tahirit në Gjermani, sipas të cilave, vërtetojnë se Tahiri ka gënjyer.
Ndërkohë që ky i fundit, është i vetmi person që nuk ka thënë asnjë fjalë!
