Princi William ka nisur një turne pesëditor në Lindjen e Mesme, duke përfshirë vizitën e parë zyrtare mbretërore në Izrael dhe në territoret palestineze.
Duka i Kembrixhit ka planifikuar të takohet me kryeministrin izraelit Benjamin Netanyahu dhe me presidentin palestinez Mahmoud Abbas.
Ai mbërriti në Jordani të dielën duke takuar princin e kurorës Al-Husein bin Abdullah II në Amman.
Kensington Palace tha se “natyra historike” e turit ishte “e rëndësishme”.
Udhëtimi i Dukës vjen pasi Izraeli festoi 70 vjetorin e themelimit të saj dhe mes rritjes së tensioneve midis palestinezëve dhe izraelitëve.
Forcat izraelite nisën sulme ajrore mbi militantët palestineze në Rripin e Gazës të mërkurën, pasi Izraeli u qëllua me raketa e mortaja.
Gjatë vizitës së tij në Izrael, Duka i Kembrixhit do të vizitojë Qendrën Botërore të Përkujtimit të Holokaustit dhe do të vendosë një kurorë në vendin u varros hiri i viktimave të Holokaustit.
Ai pritet të vizitojë qytetin e vjetër të Jeruzalemit dhe varrin e princeshës Alice të Greqisë, gjyshes së tij dhe nënës së Dukës së Edinburgut.
Princi Phillip vizitoi varrin në vitin 1994, gjatë një ceremonie ku u nderua për shpëtimin e hebrenjve grekë gjatë Luftës së Dytë Botërore.
