Busti i Eqerem Çabejt u vendos këtë të hënë para godinës së Akademisë së Shkencave. i pranishëm në ceremoni, ishte edhe Kryeministri Edi Rama, që pjesës më të madhe të ligjëratës së tij ia kushtoi veprës së Eqrem Çabejt.
“Do ishte e lodhshme dhe e panevojshme që unë të zgjatesha më tutje në këtë fjalë që realisht e thashë që në fillim që është një nga më të vështirat që më është dashur të mbaj, sepse më rëndon tej mase madhështia dhe forca e Eqerem Çabejt në përdorimin e kësaj pasurie të paçmueshme të të gjithë ne shqiptareve që është gjuha shqipe”, tha ndër të tjera kreu i qeverisë.
Në mbyllje të fjalës së tij, Rama tha nuk kurseu as batutat.
“Shumë faleminderit për durimin që më dëgjuat mua që flas për Eqerem Çabejn, që ky është kulmi në fakt… (Qesh) Sepse nuk ka asnjë krahasim dhe asnjë mundësi barazimi qoftë edhe për politesë, dhe shumë faleminderit Hektorit që ma lehtësoi fjalimin, sepse pashë që ndërkohë që unë flisja shumëkush shikonte skulpturën dhe patjetër edhe një falënderim i veçantë atyre që bënë realizimin e kësaj vepre në kohën e duhur dhe vendin e duhur”.
