Ndërmjetësuesi i OKB-së për çështjen e emrit, Methju Nimic, përfaqësuesja e Lartë e Bashkimit Evropian për Politikë të Jashtme dhe Siguri Federika Mogerini, eurokomesari për zgjerim dhe fqinjësi të mirë, Johanes Han dhe Rozmari Di Karlo, zëvendësja e sekretarit të përgjithshëm të OKB-së, Antonio Guteresh, sot do të jenë dëshmitarë të nënshkrimit për çështjen e emrit, e cila do të bëhet në ora 10:30 në Prespë, mes shefave të diplomacive të Maqedonisë dhe Greqisë, Nikolla Dimitrov dhe Nikos Kotzias, njoftojnë mediat maqedonase.
Nga ana e tij, ministri i Jashtëm i Greqisë, Nikos Kotzias, ka deklaruar se marrëveshja mes dy vendeve është patriotike dhe ndihmon të përqendrohen forcat aty ku ka probleme.
Gjatë debateve në Kuvendin grek, Kotzias ka theksuar se është bërë kompromis në marrëveshje, duke shtuar se ‘vetëm nëse fiton në luftë, atëherë ka marrëveshje pa kompromis’.
