MAQEDONI– Kryeministri i Maqedonise, Zoran Zaev në seancën e sotme parlamentare, ku në rend dite janë pyetjet e deputetëve tha se me zgjidhjen e çështjes së emrit gjasat që të merret një datë për fillimin e bisedimeve me BE për anëtarësimin janë shumë të mëdha.
“Jam i bindur se jemi rrugës për të gjetur zgjidhje. Gjasat janë shumë të mëdha të marrim datë me zgjidhjen e kontestit që zgjat prej 25 vitesh. Deri më 20 qershor do të tentojmë të gjejmë zgjidhje”, ka deklaruar Zoran Zaev gjatë seancës së Kuvendit ku në rend dite janë pyetjet e deputetëve.
Megjithatë Zaev iu shmang përgjigjes rreth pyetjes nëse pranimi i ‘erga omnes’ për “Republika e Maqedonisë së Ilindenit”, do të vlejë edhe për propozimet tjera.
