Përfundon seanca për masën e sigurisë ndaj gjyqtarit Shkëlqim Miri. Gjykata e Krimeve të Rënda ka dhënë masën “Arrest me Burg” për gjyqtarin.
Gjyqtari Shkëlqim Miri pas verifikimeve të bëra nga policia në banesën e tij ku i janë gjetur 300 milion lekë, është ndaluar nga policia e shtetit. Me kërkesë të Prokurorisë së Krimeve të Rënda u ushtrua kontroll në banesë dhe iu gjetën rreth 300 milionë lekë të vjetra.
Gjyqtari Miri akuzohet për ” korrupsion aktiv dhe korrupsion pasiv: “favorizim i një të dënuari për veprën penale të vrasjes me dashje dhe armëmbajtje pa leje, kundrejt kërkimit dhe marrjes së përfitimeve monetare të paligjshme.” Mirit iu gjetën në banesë 174,810 euro; 10,149,000 lekë dhe 1,000 dollarë. Po kështu ndaj gjyqtarit janë ngritur edhe dyshimet se ka ndryshuar akuzën nga vrasje në plagosje e rëndë. Shkëlqim Miri kishte rreth një vit që ishte në hetim nga policia. Për akuzat që rëndojne mbi të, Prokuroria ka kërkuar masën “Arrest me burg”./AlpeNews.al/
