Nuk ka tym të bardhë mbi godinën ku prej tri ditësh ishin ngujuar për të zgjidhur të gjitha çështjet e mbetura historikisht pezull, mes Shqipërisë dhe Greqisë, nga shefat e diplomacive të të dyja vendeve dhe stafet e tyre. Lajmi mësohet pasi bëhet publike deklarata e përbashkët, e dakordësuar mes të dyja delegacioneve. Në këtë dokument të shpërndarë për mediat, me një gjuhë shumë diplomatike, shkruhet se ka patur vullnet për të avancuar në zgjidhjen e çështjeve që ekzistojnë mes dy vendeve tona fqinjë dhe se bazuar mbi të, do të vijojnë përpjekjet për të gjetur kompromis të dyanshëm. Ndaj, për këtë do të mbahet një takim tjetër, i cili do të zhvillohet në një afat ende të pacaktuar, por këtë radhë në Shqipëri.
E plotë deklarata e përbashkët:
Ministrat e punëve të jashtme të Shqipërisë dhe Greqisë, Ditmir Bushati dhe niko Kotzias, zhvilluan bisedime në Kretë më 10 deri më 12 nëntor 2017, duke u fokusuar në cështjet e hapura dypalëshe.
Gjatë bisedimeve, të cilat u zhvilluan në një atmosferë miqësore dhe konstruktive, u krye një punë substanciale.
Të dyja palët pranuan rëndësinë e dialogt në zgjidhjen e cështjeve të pazgjidhura dhe ranë dakord për hapat e mëtjeshmë që duhen ndërmarrë për të arritur rezultate positive duke u mbështetur në vlerat dhe normat europiane, në të mirë të dy vendeve dhe popujve të tyre.
Bisedimet përbënë një hap të rëndësishëm përpara dhe përpjekjet për të gjetur zgjidhje të qëndrueshme për problemet ekzistuese prej një kohe të gjatë do të vijojnë.
Në këtë dritë, u ra dakord që ministrant të takohen sërisht në Shqipëri në vijim në mënyrë që të vlerësojnë progresin e arritur dhe të vendosin për hapin e mëtejshëm konkret përpara.
Alpenews.al
