Përfundon vizita e Ministrit të Jashtëm grek Nikos Kotzias në Tiranë.
Ministri për Europën dhe Punët e Jashtme të Shqipërisë, Ditmir Bushati dhe homlogu i tij helen Kotzias zhvilluan një takim tri orësh kokë më kokë sot, pasi Presidenti i Republikës Ilir Meta tha autorizimin për negociatat me Greqinë.
Kotzias bëri një qëndrim në Shqipëri ndërkohë që me avionin qeveritar Grek, është rrugës për në Shkup, ku sipas axhendës do të zhvillojë nesër bisedime me drejtuesit e qeverisë dhe të dërguarin e OKB Nimiç, për zgjidhjen e çështjes së emrit të Maqedonisë.
Gazetarët helenë që e shoqërojnë ministrin e tyre të Jashtëm për në Shkup qëndruan në Rinas, ndërkohë që ai u takua dhe bisedoi për 180 minuta në ministrinë e Jashtme të Shqipërisë, me homologun Ditmir Bushati.
Pas takimit Ministria e Jashtme e Shqipërisë shpërndau këtë njoftim:
Deklaratë për shtyp:
Ministrat e Jashtëm të Shqipërisë dhe Greqisë, Ditmir Bushati dhe Nikos Kotzias, u takuan sot në Tiranë në vazhdën e dialogut intensive të mëkanizmit dypalësh për zgjidhjen e çështjeve mes dy vendeve.
Ministrat shqyrtuan profesin e shënuar prej takimit të Janarit të mbajtur në Korçë që është materializuar në një sërë zhvillimesh poizitive tashmë të bëra publike nga palët.
Bushati dhe Kotzias u dakordësuan për hapat e mëtejshëm që do të ndermerren në muajt e ardhshëm në funksion të avancimit të procesit dhe gjetjes së zgjidhjeve të mirëpranuara për çështjet ende në diskutim.
Ata i kushtuan një vëmëndje të posaçme punës në proces për finalizimin e Dokumentit të Partneritetit Strategjik në përputhje me vullnetin e palëve për të forcuar dimensionin evropian të marrëdhënieve shqiptaro-greke.
Përgatiti: Alpenews.al
