Kryetari i Kuvendit të Shqipërisë Gramoz Ruçi ka nisur sot në Kosovë vizitën dyditore me ftesë të kryetarit të Kuvendit të Kosovës, Kadri Veseli.
Kjo është bërë e ditur përmes një njoftimi për media nga zyra për komunikim e Kuvendit të Kosovës, ku njoftohet për takimin e kryetarit të Kuvendit të Kosovës Kadri Veseli me homologun e tij Gramoz Ruçi.
Takimi në mes Veselit e Ruçit do të mbahet në kabinetin e Veselit nga ora 09:30, ku pas këtij takimi do të ketë deklaratë për media.
Gjatë ditës, me kryeparlamentarin shqiptar do të takohet edhe presidenti i Kosovës Hashim Thaçi.
Kjo është vizita e parë zyrtare e Kryetarit të Parlamentit të Shqipërisë, në Republikën e Kosovës. Në delegacionin parlamentar shqiptar bëjnë pjesë edhe drejtuesit e grupeve parlamentare te opozitës PD dhe LSI. Pavarësisht përplasjeve në seancat e të enjtes në sallën e plenareve, përfaqësuesit e opozitës i janë përgjigjur menjëherë ftesës s z. Ruçi dhe pritet të jenë pjesë aktive e axhendës dy ditore të takimeve të rëdësishme nga ana protokollare në Prishtinë.
