Në Britaninë e Madhe është rikthyer metoda e “kurimit” të autizmit me zbardhues.
Një investigim i Daily Mirror zbuloi se të paktën në 6 stacione policie në vend janë marrë në pyetje prindër që dyshohet se e kanë përdorur këtë metodë me fëmijët e tyre prej mëse 2 vitesh.
E ashtuquajtura “Miracle Mineral Solution” u propozua si kurë fillimisht nga Danny Glass, një shenjtor i vetëshpallur, i cili ka themeluar kishën e vet.
Sipas tij, zbardhuesi nëse pihet ose përdoret si klizëm mund të eliminojë parazitët që e shkaktojnë autizimin.
Preparati është në të vërtetë një përzierje natriumi dhe acidi citric, të cilat bashkë formojnë dioksidin e klorit, që zakonisht përdoret si zbardhues rrobash.
Ai mund të provokojë diarre, të vjella dhe dehidratim.
Produkti është në shitje në faqe të ndryshme për 30 euro.
Hetimi zbuloi një grup në “Facebook”, ku prindër të fëmijëve autikë ndanin përvojat e tyre.
Një prej tyre rrëfente se dëshpërimi e kishte shtyrë ta bënte këtë eksperiment me të birin 2-vjeçar, i cili ishte përmirësuar me kalimin e kohës.
Mjekët e konsiderojnë këtë një praktikë të rrezikshme për shëndetin e fëmijëve.(TemA TV
