Reforma në drejtësi është totalisht e bllokuar, ndërsa po bëhen arrestime politike për të dhënë mesazhin se kjo reformë po zbatohet.
Deklarata është bërë nga deputetja e LSI-së, Klajda Gjosha, sipas të cilës Shqipëria sot është në luftë me vetveten për të pasur një shtet të së drejtës, në të cilin besojnë shqiptarët.
E pranishme në studion e Oraneës, Gjosha ka folur mbi integrimin, duke vënë theksin se Qevertia nuk mund të servirë si reformë apo si sukses, qoftë atë çka ndodhur me administratën publike ashtu edhe me drejtësinë.
“Fjalia e parë me të cilën dëshiroi të vinte në pushtet është një reformë e re në administratën politike ku retorika ishte kazani, tepsia, më falni që po e përdor.
Nuk e di se sa naivë duhet t’i quajmë ata ekspertë të BE-së për t’u servirur reformën në administratën publike.
Nuk e di çfarë suksesi duhet t’u sërvirim atyre për reformën në drejtësi, ku një kryeprokurore është zgjedhur me vetëm 69 vota.
Nuk e di çfarë duhet flasim për kandidaturat e KLP-së dhe KLGJ-së, ku ka pasur me qindra problematika, ku u përballëm me retorika të ashpra edhe me OMN-në që ne e zgjodhëm si garant.
Mos të dalim tek arrestimet politike për të thënë se po zbatohet reforma në drejtësi.
Ne vazhdojmë të kemi raporte ndërkombëtare ku flitet për grupet kriminale të shpërndara në të gjithë Evropën. Kam qenë vetë 4 vjet dhe kam koordinuar këtë proces. Në qoftë se nuk pranojmë realitetin, nuk e luftojmë dot”, tha Gjosha.
