Pasditen e sotme në qytetin e Fierit një grua ka rënë pre e grabitjes.
Ngjarja ka ndodhur sipas policisë, rreth orës 18:35 në lagjen “Apolonia”. Gruaja me inicialet M.J, sapo ka dalë nga një dyqan i këmbimit valutor, kur në atë moment, dy persona i janë afruar dhe i kanë marrë çantën me lekë që sapo i kishte këmbyer në Exchange.
Ata janë larguar menjëherë pa mundur që gruaja të bëjë ndonjë identifikim të tyrin, ndërsa njoftoi policinë.
Sipas bluve të Fierit,. në vendngjarje kanë shkuar shërbimet e policisë si edhe është ngritur grupi hetimor i cili po punon për zbardhjen e ngjarjes, identifikimin dhe kapjen e autorëve.
