Sipas tabloidit anglez, “The Sun”, kampioni i Real Madrid, baba i Cristiano Ronaldo Jr, i binjakëve Eva dhe Mateo, si dhe i të voglës Alanna, ka tradhëtuar të dashurën e tij Georgina Rodriguez me modelen angleze Rhian Sugden. Lajmi vjen vetëm pak ditë pasi më parë, i fejuari i bukuroshes britanike, Oliver Mellor ishte detyruar të paralajmëronte CR7, të qëndronte larg të fejuarës së tij.
“The Sun”ka zbuluar se si ylli i Real Madrid e ka bombarduar me mesazhe dhe komente bjonden mbresëlnëse, aq sa për të nxehur të fejuarin e bukuroshes. Cristiano u njoh me Rhian gjatë kohës kur luante me Manchester United dhe i ka dërguar asaj një mori mesazhesh në rrjetet sociale. Portugezi që ka katër fëmijë, shpesh e pyet Rhian se kur kjo e fundit do të vendosë të bëjë fëmijë dhe gjithmonë i kërkon që t’i bëjë zile në Facebook Messenger. Pas një lutje të CR7, ajo iu përgjigj: “Tani po shkoj të marr të dashurin tim nga puna dhe më pas do shkojmë të pijmë diçka. Nuk besoj se atij do t’i pëlqej që po flas me ty në orën 11 të natës”.
