E ndërsa shiu vazhdon të bjerë situata e motit në vend po vjen dukje u përkeqësuar, kryesisht në zonat malore ku ka probleme me energjinë elektrike. Është shënuar edhe viktima e parë në këto zona, një 32 vjeçar me profesion elektriçist që mësohet të jetë kapur nga rryma elektrike gjatë riparimit të dëmtimeve nga reshjet e dendura.
Gjithashtu probleme paraqiten në aksin Tepelenë-Gjirokastër. Aksi që lidh dy vendet nëpërmjet Urës së Viroit në të cilën pak më parë u bllokuan dy automjete dhe u bllokua qarkullimi.
Së fundmi mësohet se probleme po paraqiten edhe në aksin Elbasan-Librazhd-Përrenjas dhe të tjera akse rurale. Probleme me rrjetin e energjisë elektrike në fshatrat e Elbasanit dhe të Librazhdi konkretisht, Lunik Orenjë, Hotolisht, Labinot Mal, Gjinar, Zavarinë. Deputeti i zonës Taulant Balla ka lajmëruar se nesër do të mblidhet Shtabi i Emergjencave të Qarkut.
Punonjësit e OSHEE ndodhen në terren dhe po punojnë për rregullimin e rrjeteve të prishura dhe mbarëvajtjen e të tjerave. Gjithashtu Ministria e Mbrojtjes po e ndjek në vijimësi situatën dhe ka dërguar Forcat e Armatosura në terren në ndihmë të komunitetit.
AlpeNews.al
