Kryeministri Edi Rama ka reaguar ashpër ndaj “Demokratëve Evropianë”, duke i sulmuar ata pas kërkesës për llogaridhënie mbi çaktivizimin e profileve në rrjetet sociale që pasqyronin protestën qytetare. Përmes një postimi në platformën X, Rama i ka etiketuar ata si “agjitatorë” që përhapin insinuata të turpshme dhe formë të ulët propagande.
Shefi i ekzekutivit hodhi poshtë me forcë çdo pretendim për përfshirje të qeverisë në fshirjen apo kufizimin e llogarive digjitale, duke nënvizuar se institucionet shqiptare nuk zotërojnë as kapacitetet teknike për të kryer një operacion të këtij niveli.
