Ekzekutimi i Edmond Sulës vijon të mbetet pa persona të arrestuar, por Policia e Tiranës vijon kërkimet intensive për autorët e krimit të rëndë.
Mësohet se orët e fundit, pas disa informacioneve në rrugë operative, uniformat blu kanë ndërmarrë një operacion të befasishëm me kontrollesh në zonën e Bërxullës.
Me vendim të gjykatës, efektivët e policisë kanë ushtruar kontroll të imtësishëm në 4 banesa. Mësohet se fokusi i këtyre kontrolleve ka qenë në pronat dhe banesat e pjesëtarëve të familjes Loci, ku janë kërkuar prova materiale që mund t’i shërbejnë zbardhjes së ngjarjes.
Aty janë fokusuar edhe dyshimet e para për shkak të konflikteve dhe mbetet pista kryesore e hetimit.
Gjatë operacionit, policia ka shoqëruar disa persona në komisariat, të cilët po pyeten nga grupi hetimor në lidhje me rrethanat e krimit dhe njohjen e tyre me viktimën.
Pista kryesore ku po përqendrohen hetuesit lidhet me një konflikt të mundshëm pronësie mes viktimës Edmond Sula dhe personave të shoqëruar e dyshuar.
Krimi dyshohet se është kryer me porosi dhe pagesë. Ngjarja ndodhi më 12 korrik.
Sipas hetimeve, atentatori i cili nuk ka lënë asnjë gjurmë në vendngjarje dhe ende nuk është identifikuar, e ka pritur shënjestrën derisa sa zbriti nga automjeti dhe po i afrohej derës së banesës së tij.
Më një tek plumb pas koke, nga një distancë e largët, vrasësi e la të pajetë 50-vjeçarin,
I vetmi moment kur ai është pikasur, është nga një kamer sigurie teksa largohet në këmbë nga vendi i krimit, por pa elementë të dukshëm që mund t’i zbulojnë identitetin.
Persona të tjerë mendohet ta kenë pritur në distancë me një automjet, me të cilin mund të jetë larguar.
Grupi hetimor po vijon punën për dokumentimin e plotë ligjor të ngjarjes dhe identifikimin e përgjegjësve.
