Është mbyllur seanca gjyqësore në Gjykatën e Tiranës për 21 protestuesit e arrestuar pas tensioneve së të së enjtes para Kuvendit. Dy prej të ndaluarve u është dhënë masa “arrest shtëpie”, ndërsa të tjerët janë liruar.
Pas dy ndërprerjeve, ku avokatët mbrojtës kërkuan të njihen me dosjet, gjyqtarët sinjalizuan daljen e të pranishmëve dhe u tërhoqën në dhomën e këshillimit për marrjen e vendimit.
Gazetarja e Top Channel, Dorjana Bezat, raporton se Everest Bardhi dhe Ervin Gega janë dy të arrestuarit që do të duhet të qëndrojnë nën arrest, teksa të tjerët pritet të lirohen.
Prokuroria pati kërkuar masën “arrest me burg” për 3 nga 21 të ndaluarit, teksa gjykata vendosi një masë më të butë.
