Në Komisionin e Medias dhe Edukimit ditën e sotme u zhvilluan debate në lidhje me nismën e qeverisë për shkollat “3 lëndë në 6 orë”.
Në këtë dëgjesë mori pjesë ministrja e Arsimit, Lindita Nikolla e cila sqaroi arsyet se pse kjo nismë do të ketë efekt pozitiv si për nxënësit ashtu dhe mësuesit.
“Do të lehtësohet ngarkesa mësimore, pasi mbingarkes u pohua si nga vetë prindërit ashtu edhe mësuesit. Në 45 minuta të mësimit të bëhet komunikimi, ndërveprimi, pyetje përgjigjet. Kemi përgjysmim të ngarkesës mësimore, lehtësim të ngarkesës psikologjike,” tha Nikolla.
Nga ana tjetër, kryetarja e Komisionit, Albana Vokshi i ka drejtuar në mënyrë të përsëritur pyetjen ministres se nga është ndërmarrë kjo nismë.
“Nisma është e prindit, e juaja apo e kryeministrit? Sqaroje.
Debati në Komision
Albana Vokshi: Kush e propozoi këtë nismën prindërit apo Kryeministri? Pse po ndryshon sistemi në mes të vitit?
Nikolla: “3 lëndë 6 orë” është lehtësim i ngarkesës mësimore. Propozimi ka ardhur nga prindërit dhe mësuesit.
Kryemnistri tha më ka shkruar një prind. Unë shqetësohem për peshën e çantës, shqetësohem për fëmijët e mi. Pse po e ndryshoni sistemin në mes të vitit?” tha ajo.
Abana Vokshi: Pse insistoj në pyetjen time? Kryeministri ka thënë që këtë çështje e kam diskutuar me Ministren. Kjo është nismë e juaja apo keni filluar punën që në Shtator.
Nikolla: Adresova shtatorin, dhe ju thash që një grup prindërish e mësuesish e kanë sugjeruar programin.
Nikolla: Eksperienca të tjera zhvillohen në shumë vende të botës. Mësuesit u pyetën para zbatimit dhe 70 përqind e tyre ishin dakord.
PD, Luan Baçi: Mua nisma më ka pëlqyer duke ditur ngarkesën e nxënësve, nuk mund të jem hipokrit. Shqetësimi im është se pse fillon në mes të vitit mësimor.
Albana Vokshi: Po grupin e punës e keni ngritur në nëntor, po të cedojnë datat, ju nuk dini të qeverisni, dhe si të nxirrni urdhrat. Ju akoma nuk keni mësuar si të hartoni urdhrat, cdo gjë e keni në shkelje.
Deputeti Ismet Beqiraj: Kemi 6 muaj që të durojmë që thua gjëra s’kanë lidhje
Albana Vokshi: Mos e rrëmbe mikrofonin ashtu…Çfarë thua more? Mos bëj zhurmë kot tani..
Albana Vokshi: Ministre, në 9 janar, kryeministri juaj dhe i joni tha se kemi diskutuar për nismën. Pra, ka ardhur nga portali, zonja mësuese, ministres ish-mësuese, pasi ndryshe ka folur kryeministri. Unë i besoj kryeministrit, që tha propozimi ka ardhur nga një zonja.
Lindita Nikolla: Jam e kënaqur me nismën e mësueseve, ju (Vokshi-Boçi) bëtë një duet këtu…
Albana Vokshi: Ashtu si ju çift me kryeministrin, ne bëjmë duet…Këtu na thuaj nëse mësuesit janë testuar para apo pas 10 janarit
Lindita Nikolla: Mësuesit janë trajtuar pas datës 10 janar. Nga raportimet e shkollave kërkohet adresimi për ngarkesën e mësuesit dhe shqetësimi i prindërve për ngarkesën dhe peshën e çantave. Këto probleme kanë filluar që në shtator. Nisma lehteson mesuesit dhe nxenesit.
Nikolla: Kemi marrë eksperiencën e Greqisë, Italisë, Finlandës apo Holandës
Vokshi: Nuk është aspak e vërtetë, këto vende nuk e kanë kështu
