Ambasada e Shteteve të Bashkuara të Amerikës ka njoftuar përmes një reagimi në rrjetet sociale se është gati të rifillojë punën normalisht pas përfundimit të mbylljes së qeverisë për shkak të fondeve buxhetore.
Në reagimin e saj ambasada e SHBA ka ndarë pamje nga vizita e muajit të fundit të Drejtorit për Çështjet e Europës Perëndimore Qendrore, Mark Fleming, në Shqipëri.
Reagimi i ambasadës së SHBA:Pas përfundimit të mbylljes së qeverisë për shkak të fondeve buxhetore, jemi gati të vazhdojmë punën tonë normalisht! Në rast se e keni humbur, patëm kënaqësinë të mirëprisnim muajin e kaluar Drejtorin për Çështjet e Europës Perëndimore Qendrore, Mark Fleming, në Shqipëri. Drejtori Fleming u takua me udhëheqës nga i gjithë spektri politik, si dhe me institucione të drejtësisë dhe të zbatimit të ligjit, për të theksuar partneritetin e fortë SHBA–Shqipëri, për të përforcuar gatishmërinë e NATO-s dhe për të goditur organizatat kriminale ndërkombëtare.
