Një zjarr i madh ka përfshirë pasditen e sotme zonën pranë lapidarit të dëshmorëve në fshatin Pojske të Pogradecit. Flakët dyshohet se kanë nisur si pasojë e një shkëndije elektrike, duke përfshirë me shpejtësi një lokal dhe hapësirën përreth.
Në vendngjarje ndodhen forcat zjarrfikëse, të cilat po punojnë për shuarjen e plotë të zjarrit dhe për të shmangur përhapjen e tij në banesa të tjera apo ambiente pranë.
Deri më tani nuk raportohet për persona të lënduar, ndërsa dëmet materiale janë të konsiderueshme.
Alpenews.al ju sjell pamjet ekskluzive nga vendngjarja.
