Kryeministri Edi Rama ka pritur këtë të enjte kryeministrin e Armenisë, Nikol Pashinyan, i cili ka ardhur në Tiranë në kuadër të samitit të Komunitetit Politik Europian që do të zhvillohet ditën e nesërme.
Nëpërmjet një postimi në rrjetet sociale Rama thekson se takimi u fokusua tek rritja e bashkëpunimit mes dy vendeve
“Me kryeministrin e Armenisë, Nikol Pashinyan! Mbi nxitjen e marrëdhënieve miqësore dhe rritjen e bashkëpunimit mes dy vendeve, me fokus në dialogun politik, zhvillimin ekonomik dhe shkëmbimet kulturore”, shkruan Rama.
47 liderë nga i gjithë kontinenti do të zbarkojnë në kryeqytetin tonë, për takimin e 6-të të Komunitetit Politik Evropian, i cili e nis zyrtarisht punën nesër në orën 11:00, për të përfunduar më pas në orën 18.30 me konferencën përmbyllëse.
