Shkëlqim dhe Florjan Duka janë dy autorët e dyshuar të vrasjes së biznesmenit Eduart Reçi. Policia e Tiranës njoftoi sot se arriti të zbardhë ngjarjen e rëndë që tronditi kryeqytetin mbrëmjen e 13 nëntorit, pranë Rrugës së Elbasanit. Ekzekutimi i Reçit u bë me një plumb në kokë, ndërsa për nga organizimi, dinamika ishte e një atentati mafioz.
Shkak për ngjarjen sipas policisë është bërë një konflikt pronësie. Biznesmeni 52-vjeçar do të ndërtonte një pallat në truallin ku autorët ishin kufitarë dhe me ta Reçi kishte biseduar për të arritur një dakordësi, por pa ia dalë.
Nga veprimet hetimore të kryera ka rezultuar se shtetasi Eduart Reçi, po angazhohej për të ndërtuar një pallat, ndërtimi i të cilit kërkonte bashkëpunim dhe dakortësim edhe me persona të tjerë (kufitar me pronën e viktimës). Ndër personat me të cilët shtetasi E. R., kishte diskutuar lidhur me këtë problematikë dhe ka pasur konflikt mbi pronësinë e truallit, janë vëllezërit Florjan Duka, dhe Shkëlqim D“, sqaron policia.
