Shërbimi Meteorologjik Ushtarak bëri të ditur se për ditën e dielë vendi ynë do të ndikohet nga kushte atmosferike relativisht të qëndrueshme, për shkak të qarkullimit anticiklonar si dhe masave ajrore jugperëndimore.
Moti parashikohet me alternime vranësirash të cilat do të jenë më të theksuara në relievet malore, si dhe intervale të herëpasherëshme kthjellimesh.
Mjegullinë në orët e mëngjesit kryesisht përgjatë zonave luginore.
Era do të fryjë me drejtim juglindje – verilindje me shpejtësi mesatare 2-7 m/sek, ndërsa përgjatë vijës bregdetare dhe lugina në momentin e formimit të vranësirave era fiton shpejtësi 10-14m/sek, shoqëruar me valëzimin në dete të forcës 2-4 ballë.
