Një aksident me vdekje është regjistruar në aksin rrugor “Kryezi-Iballë”, në vendin e quajtur “Laku i Ballcit”.
Nga informacionet e policisë bëhet e ditur se ngjarja e rëndë ka ndodhur rreth orës 07:30, ku 40-vjeçari Shkëlzen Lleshaj duke drejtuar automjetin, dyshohet se ka humbur kontrollin, dhe si pasojë makina ka dalë nga rruga.
Për shkak të dëmtimeve, 40-vjeçari ka humbur jetën.
Njoftimi i policisë:
Fushë Arrëz/Informacion paraprak
Rreth orës 07:30, në aksin rrugor “Kryezi-Iballë”, në vendin e quajtur “Laku i Ballcit”, shtetasi Sh. Ll., 40 vjeç, duke drejtuar automjetin, dyshohet se ka humbur kontrollin, dhe si pasojë automjeti ka dalë nga rruga.
Për shkak të dëmtimeve, shtetasi Sh. Ll. ka humbur jetën.
Grupi hetimor po punon për sqarimin e rrethanave të aksidentit.
