Një aksident i rëndë është regjistruar gjatë orëve të mbrëmjes në Gramsh, ku 4 persona kanë mbetur të plagosur.
Raportohet se ngjarja ka ndodhur në fshatin Bulçar, teksa të plagosurit janë transportuar për në spitalin e Gramshit ku kanë marrë ndihmën e nevojshme mjekësore. Mësohet se gjendja e njërit prej të plagosurve është e rëndë dhe pritet të transportohet me helikopter për në Tiranë.
Ende nuk dihen rrethanat e aksidentit. Në vendin e ngjarjes ka shkuar policia e cila po kryen veprimet përkatëse.
