Firdeus Berberi, shoku i Laert Haxhiut, është ekstraduar nga Greqia në vendin tonë për shkak se është i kërkuar nga drejtësia shqiptare.
Ai ishte shpallur në kërkim ndërkombëtar pasi ndaj tij ka masë sigurie arrest në burg të dhënë nga Gjykata e Pogradecit më 29 Prill 2022.
Firdeus Berberi akuzohet për vrasje me dashje e mbetur në tentativë dhe kryer në bashkëpunim, “armëmbajtje pa leje dhe prishja e qetësisë publike.
Më 25 Prill 2022, Firdeus Berberi në bashkëpunim me Griseld Maxharin plagosën me armë Johan Muçllarin. Krimi ndodhi në Pogradec.
Firdeus Berberi ka qenë në makinë së bashku me Laert Haxhiun, kur ky i fundit u kap në Janinë në vitin 2023 gjatë një ndjekje policore nga autoritetet greke.
