Një zjarr i përmasave të mëdha ka përfshirë ditën e sotme fshatin Çërrilë të Mallakastrës.
Raportohet se deri më tani janë djegur dy banesa të pa banuara, sipërfaqe të mëdha me pyll me pisha dhe ullishte. Forcat zjarrfikëse dhe ato të policisë janë duke luftuar me flakët për të mbrojtur banesat që ndodhen pranë.
Sipas kryebashkiakut Qerim Ismailaj po luftohet me flakët, por zjarri po favorizohet nga era e fortë që fryn në këto momente. Sipas drejtuesit të qarkut Fier, Taulant Ballës, helikopteri i forcave të armatosura është njoftuar dhe për pak mbërrin në vendin e ngjarjes.
“Çërrila, Mallakastër po përballet me një situatë tepër kritike. Forcat zjarrfikëse po luftojnë për mbrojtjen e banesave, ndërsa pas komunikimit me AKMC për pak mbërrin dhe helikopteri i forcave të armatosur.”- shkruan Balla.
