Gjatë gjithë muajit gusht, në qarkun e Lezhës janë gjobitur 3807 drejtues mjetesh për shkelje te ndryshme rrugore. Ndërkohë, janë arrestuar 9 drejtues mjetesh si dhe janë vënë vë hetim në gjendje të lirë 2 të tjerë, pasi kanë drejtuar mjetin në gjendje të dehur ose pa patentë.
Shërbimet policore kanë bërë kontrolle duke përdorur drone e kamera si dhe kontrolle në terren e makina inteligjente.
Konkretisht, 2033 drejtues janë ndëshkuar për shpejtësi tej normave të lejuara.
588 drejtues mjetesh janë ndëshkuar për parakalime të gabuara
80 drejtues janë ndëshkuar për përdorim të celularit gjatë drejtimit të mjetit
181 drejtues mjetesh janë ndëshkuar për mosvendosje të rripit të sigurimit.
35 drejtues mjetesh janë ndëshkuar 35 drejtues mjetesh për drejtim mjeti nën efektin e alkoolit.
11 drejtues motomjetesh janë ndëshkuar për mospërdorje të kaskës mbrojtëse si dhe për mospërdorim të jelekut fosforeshent gjatë natës.
Ndërsa 779 drejtues mjetesh janë ndëshkuar për shkelje të tjera të ndryshme rrugore.
Policia e Rrugore e Lezhës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit dhe të mos kryejnë parakalime të gabuara.
