Dy persona mbetën të vrarë dhe 4 u plagosën, dy prej të cilëve policë, gjatë një përleshjeje me armë zjarri mbrëmjen e djeshme në Athinë.
Burime të ELAS-it raportuan për APE-MPE se pak pas orës 21:30, në kryqëzimin e rrugëve Georgiou Nazou dhe Kourtidou, në Kato Patisia, ka pasur një sherr mes shtatë personave, pa u bërë ende të ditura arsyet.
Shoferi i makinës Mercedes ka qëlluar me armë një motoçiklist të ri duke e plagosur rëndë.
Motoçikletën e ka ndjekur babai i viktimës, me një makinë tip Audi, në të cilën udhëtonin dy persona të tjerë.
Babai, gjithmonë sipas burimeve të ELAS-it, ka qëlluar autorin e plagosjes së të birit dhe e ka plagosur për vdekje.
Pasagjeri i Audi-t, i cili tentoi të vraponte për t’u mbrojtur, u godit dhe u plagos nga një makinë që kalonte.
Κ Ο Λ Ο Μ Β Ι Α .#κατω_πατησια pic.twitter.com/5j37Rl6uIU
— ΜπελΧαρρά Βέρρα (@Axolotl_pragmat) July 2, 2022
Në të njëjtën kohë, një tjetër person i cili ka qenë duke hipur në Mercedes është larguar nga makina. Menjëherë pas kësaj, ai ka ndaluar një shofer kalimtar dhe nën kërcënimin e armës ka marrë mjetin e tij dhe është larguar.
I dyshuari, me origjinë shqiptare ka tentuar të ikë në këmbë. Makina e patrullës e ka ndjekur. Më pas, burri ka qëlluar në drejtim të efektivëve të policisë, duke plagosur njërin në këmbë, ndërsa i dyti ka marrë një plumb lart në shpatull.
Policia iu përgjigj zjarrit, duke plagosur për vdekje autorin e armatosur.
Dy efektivët e policisë të plagosur janë transportuar në Spitalin e Përgjithshëm Ushtarak 401 të Athinës.
Rastin po hetohet nga Departamenti i Vrasjeve në Drejtorinë e Sigurimit të Atikës.
