Zbardhen detaje të reja nga sherri i përgjakshëm që solli tre viktima në rrugët e Athinës një natë më parë duke terrorizuar qytetin.
Sipas “Prothothema.gr” sherri ka ndodhur me dy familjeve shqiptare të cilat merreshin me shpërndarje të lëndëve narkotike.
Gjithçka ka nisur mëngjesin e të shtunës kur anëtarët e dy familjeve janë takuar në rrugën Kourtidou, në Kato Patisia, për të zgjidhur mosmarrëveshjet e tyre personale.
Pak pas orës 21:30 në kryqëzimin e rrugëve Georgiou Nazou dhe Kourtidou, në Kato Patisia një automjet që drejtohej nga një grua ku udhëtonin si pasagjerë edhe dy persona të tjerë, ka përplasur drejtuesin e motoçikletës duke e lënë atë të plagosur rëndë.
Motoçikleta ndoqej nga babai i viktimës në një makinë tip Audi ku po udhëtonin edhe dy persona të tjerë. Sipas burimeve policore për mediat greke, babai i të riut ka qëlluar në drejtim të autorit që qëlloi djalin e tij duke e lënë të plagosur. Ndërsa ky i fundit është kundërpërgjigjur duke e vrarë me armë zjarri.
Pasagjeri në automjetin tip Audi ka vrapuar të largohet për t’i shpëtuar plumbave por është përplasur nga një automjet që po kalonte në zonë me shpejtësi.
Nga ana tjetër pasagjeri i mjetit Mercedez Benz i cili kishte hapur zjarr është larguar nga automjeti dhe ka vjedhur një makinë në rrugë për t’u arratisur. Gjatë largimit ai ka tentuar të grabisë një pikë karburanti.
I dyshuar është ndjekur nga policia duke u qëlluar për vdekje ndërkohë që gjatë shkëmbimit të zjarrit kanë mbetur të plagosur edhe dy efektivë policie. Uniformat blu nga ana tjetër kanë vënë në pranga edhe drejtuesen e automjetit tij Mercedes Benz.