Ish-kryeministri Sali Berisha ka deklaruar se po merret personalisht për bashkimin e Partisë Demokratike. Edhe pse në qendër të konferencës ishte vendimi i fundit i TAP për të transportuar gaz në Evropë, Berisha nuk i shpëtoi interesit të gazetarëve për situatën brenda PD.
“Unë po flas për një projekt të shekullit mes e ngatërroni me Lul Bravën.
Unë vetëm kaq mund t’ju them ju. PO merrem me intesitetin më të madh për bashkimin e Partisë Demokratike”, tha Berisha.
Ai mohoi që të jetë organizator i protestave, por theksoi se i mbështet ato. “Po i mbështes me të gjithë forcën, por nuk po i organizoj.”, tha Berisha.
Ndersa i pyetur si po shkon procesi gjyqesor per shpalljen non grata Berisha tha: “Nuk kam një Komunikim të fundit. Berisha merret me transparencën dhe sot ishte një rast të rikujtoja atë që thashë.
“Një mesazh për ata që shpallën Sali Berishën non grata. I them mafies së George Sorosit se vetëm për Tapin Sali Berishës i janë propozuar shumat më përrrallore që mund t’i imagjinoj kush. Por ai qëndroi në mbrojtje të interesave të vendit të tij dhe interesave të Bashkimit Evropian, pasi isha i bindur se një dar gazi nga veriu dhe jugu ishte gjëja më e keqe për Shqipërinë dhe Evropën. Më janë ofruar nga Gazprom”, tha me tej Berisha.
