Nga Dominic Waghorn – Sky News
Më e mira që mund të thuhet për këto bisedime është se ato po ndodhin.
Është më mirë që ministrat e jashtëm të Ukrainës dhe Rusisë të takohen sesa të mos takohen. Takimi diplomatik i nivelit më të lartë i këtij konflikti deri më tani.
Por shpresat nuk janë të mëdha. Çfarë lloj vendi dërgon ministrin e tij të jashtëm për të diskutuar paqen ndërsa bombardon spitalet, varros fëmijët dhe gratë?
Rusia duket se po zbaton strategjinë cinike që përdori në Siri.
Për të zbrazur një zonë nga civilët, mënyra më e shpejtë është të bombardoni vendet e saj më të sigurta. Spitalet e saj. Nëse spitali juaj lokal bombardohej, a do të qëndronit aty?
Në Siri, taktika zbrazi zonat e Aleppos nga civilët duke u dhënë aleatëve të saj në terren liri shumë më të madhe për të lëvizur dhe për të kërkuar zonën.
Në Ukrainë, civilët kanë përshëndetur trupat dhe forca të blinduara ruse me shfaqje të guximshme të fuqisë popullore. Protestat e tyre kanë ngadalësuar përparimin rus. Nxitje edhe më e madhe për t’i tmerruar dhe për t’i detyruar të largohen.
Por civilët kanë nevojë për korridore për të ikur dhe armëpushim për t’u ndjerë të sigurt për të lëvizur.
Një nga qëllimet e këtyre bisedimeve në Turqi është krijimi i një armëpushimi – por për rusët dhe aleatët e tyre iranianë dhe sirianë në Siri, armëpushimet ishin një mjet lufte, një mënyrë për të përshpejtuar zhvendosjen e civilëve.
Frika është se mund të jetë duke bërë të njëjtën gjë në Ukrainë.
