Ministri i Jashtëm i Ukrainës tha se ai ka pak shpresë për një përparim në bisedimet e sotme të paqes me Rusinë, pasi lufta hyn në javën e saj të tretë. Dmytro Kuleba ndodhet sot në qytetin turk të Antalias për bisedime me ministrin e Jashtëm rus, Sergei Lavrov, takimi i para në një nivel kaq të lartë që nga fillimi i pushtimit më 24 shkurt.
“Unë do të them sinqerisht se pritshmëritë e mia për bisedimet janë të ulëta,” tha Kuleba. Para takimit të tij me Lavrov, Kuleba tha se: “Ne jemi të interesuar për një armëpushim, për çlirimin e territoreve tona dhe pika e tretë është zgjidhja e të gjitha çështjeve humanitare”.
Rusia po kërkon që Ukraina të miratojë një politikë neutraliteti dhe të braktisë ambicien e saj kushtetuese për t’u bashkuar me NATO-n. Qeveria e Kievit nuk do të pajtohet kurrë me një kompromis të tillë në këtë fazë të konfliktit, pas sukseseve në frenimin e përparimit ushtarak rus dhe një rritje të simpatisë dhe mbështetjes ndërkombëtare, raporton The Times.
Por Zelensky tha se ishte i bindur se Putin do të negocionte në një fazë. “Unë mendoj se ai do negociata. Unë mendoj se ai e sheh se ne jemi të fortë. Na duhet pak kohë!”, tha Zelensky.
Në fjalimin e tij të vonë gjatë natës, Zelensky iu bëri thirrje njerëzve të zakonshëm në vendet fqinjë të Ukrainës që të ushtrojnë presion mbi qeveritë e tyre për të vepruar. “Evropianë! Nuk do të mund të thuash se nuk keni parë se çfarë ndodhi me ukrainasit, çfarë ndodhi me banorët e Mariupolit. E patë! Ne nuk kemi bërë dhe nuk do të kishim bërë kurrë diçka të ngjashme me këtë krim lufte … ” tha ai, duke iu referuar hedhjes së një bombe ruse në një maternitet dhe në një repart për fëmijë në Mariupol.
Një zyrtar i paidentifikuar i SHBA tha se qeveria vlerëson se 5,000 deri në 6,000 rusë janë vrarë në dy javët e para të luftës, dhe me 15,000 deri në 18,000 të tjerë janë plagosur. Rusia pretendon se më pak se 500 trupa të saj kanë vdekur, ndërsa qeveria ukrainase pretendon se ka vrarë deri në 12,000.
