29-vjeçari Aldo Alushi është arrestuar, pasi u kap me drogë në aeroportin Stansted, në Londër.
Agjencia Kombëtare e Krimit pas një kontrolli hasi një pako të dyshimtë. Pakoja përmbante një kuti prej druri brenda së cilës ndodhej një statujën e rosës, ngjyrë ari.
Kjo i bëri që oficerët të dyshonin edhe më shumë, ndërsa pas kontrollit të imtësishëm zbuluan se statuja kishte kokainë. Substanca e gjetur ishte në versionin pluhur të drogës.
Ndërkohë, policia zhvilloi edhe një kontroll në dhomën e gjumit të 29-vjeçarit shqiptar ku gjetën pesë celularë, një sërë dokumentesh me emra të ndryshëm.
29-vjeçari kishte jetuar ilegalisht në Britaninë e Madhe . Ndërkohë autoritetet bëjnë me dije se i riu shqiptar kishte deklaruar se e ka marrë statujën në emrin e një tjetër shqiptari.
Por gjykata e shpalli atë fajtor, ndërsa më 11 mars pritet që të marrë edhe dënimin.
