Presidenti i Turqisë Erdogan do të mbërrijë nesër në Tiranë dhe do të qëndrojë për më shumë se 13 orë në vend. Kjo ka bërë që institucionet tona të marrin masa shumë të rrepta sigurie. Eskortimi i presidentit Erdogan dhe siguria e tij nesër nga ora 07.00 deri në 18.30 kur largohet në drejtimin e Gardës së Republikës dhe RENEA-s.
Ndërkohë që nga Ankaraja kanë mbërritur efektivë të Gardës turke. Gjithashtu edhe shërbimet sekrete nga ky vend. Report Tv ka siguruar pamjet e mbërritjes së tyre në Aeroportin e Rinasit. Forca turke një pjesë shkon në Laç dhe pjesa tjetër qëndron në Tiranë.
Janë 26 fluturime që nesër preken nga masat e sigurisë për udhëtarët. 13 në nisje nga ora 0.7 deri në 14.30 dhe 13 në mbërritje. Bllokime do të kenë edhe akset në Tiranë, autostrada e Rinasi, Rruga e Durrësit, bulevardi ‘Dëshmorët e Kombit’ etj.
