Një studim i fundit tregon se varianti Omicron i COVID-19 infekton më shumë fytin se sa mushkërinë. Sipas shkencëtarëve kjo është edhe arsyeja pse ky variant përhapet më shumë por është më pak i dëmshëm.
Të dhënat tregojnë se Omicron nuk dëmton mushkërinë sa Delta apo variante të tjera të COVID-19.
“Rezultatet tregojnë se Omicron është ndryshe nga variantet e tjera të COVID-19”, thotë Deenan Pillay, profesor i Universitetit College Londër.
Mutacioni i COVID-19 ka pësuar një përhapje masive në një kohë shumë të shkurtër.
Por, pavarësisht rritjes së numrit të infektimeve në shumë vende të Evropës, numri i pacientëve të shtruar në spitale nuk ka pasur ndryshim domethënës.
