Zëvendëspresidenti i FSHF-së, Edvin Libohova, e cilëson si pozitive garën për president të FSHF-së, ku kandidatë janë Armand Duka dhe Bashkim Fino.
“Më duket se kanë filluar interesante, përderisa ka garë. Hapja e lojës i bën mirë futbollit, organizimit”, tha ai, në studion e “Rubrikës Sportive”.
“E kam parë edhe platformën e Finos, kishte shumë gjëra që ishin bërë apo nuk janë bërë plotëissht nga FSHF. Problemi i investimeve në infrastrukturë, duhet të them se këto katër vite, por edhe me parë, na ka bërë që të mos ndjehemi më të rrezikuar nga ndërkombëtarët.
Problemi i Ligës, unë jam marrë vetë me të. Është punuar mjaft, Federata është e interesuar për të, por akoma ekipet nuk janë ndërgjegjësuar për domosdoshmërinë e Ligës. Por nuk kanë marrë frenat në dorë, mbështetja ka qenë organizative. Besoj që kjo do të realizohet”, tha Libohova.
