Ish-kryeministri Sali Berisha është pyetur mbrëmjen e sotme nëse i ka frikën ndonjë arrestimi të mundshëm, pasi SHBA e shpalli “non grata” për korrupsion gjatë kohës kur ishte kryeministër.
Ai u shpreh se gjithmonë ka zbatuar ligjin, ndaj nuk ka ansjë frikë se një ditë do të arrestohet.
Aulon Kalaja: Prej dy javësh tashmë në banaqe televizive qarkullojnë fjalë se mund t’ju arrestojnë. A keni frikë ju nga një arrestim i mundshëm?
Ish kryeministri Sali Berisha: Ata janë individë që vijnë nga bota e krimit politik. Nuk më impresionojnë. Kurrë nuk kam frikë sepse kam qëndruar gjithë jetën time në vendin tim dhe kjo është trimëria ime kam zbatuar ligjin dhe vetëm ligjin. Nuk do dëgjoni kurrë të ketë një shkelje ligji në detyrat ku unë kam qenë.
