Deputetja e Partisë Socialiste për Integrim, Nora Malaj e ftuar në emision ‘Ditë e Re’ ka deklaruar se kryeministri Edi Rama i ka propozuar që të bëhet pjesë e Partisë Socialite po nuk e ka pranuar propozimin.
“Rama më ka propozuar të shkoj tek partia e tij por nuk kam pranuar,”tha Nora Malaj.
Deputeja Malaj është shprehur se kryeministri Rama është shoku i saj i fëmijërisë dhe se kanë punuar shumë bashkë, por ka qenë edhe një kundërshtare e flaktë e disa prej vendimeve të tij
“Me Ramën kam edhe një lidhje.
Unë dhe Edi jemi shokë fëmijërie dhe shokët e fëmijërisë nuk zgjidhen por i ke.
Në këtë raport kam pasur një ndjesi mbështetëse por e kam respektuar në pozicionin e kryeministrit.
Kemi punuar shumë bashkë, më ka dëgjuar edhe kur kam qenë e prerë, kemi pasur edhe përplasje dhe në disa çështje kam qenë kundërshtare e flaktë e tij” tha Nora Malaj.
