Policia e Tiranës ka ngritur tre akuza ndaj 30-vjeçarit Emirjan Doko, i cili dyshohet të ketë shkaktuar aksidentin e rëndë më dy të vdekur në orët e para të mëngjesit të datës 11 nëntor tek kryqëzimi ’21 Dhjetori’.
Mësohet se i riu ndodhet në gjendje të rëndë shëndetësore në spitalin e Traumës, ku i është komunikuar dhe arrestimi nga policia.
Blutë bëjnë me dije se gjatë kontrollit të mjetit që drejtonte shtetasi Emirjan Doko, shërbimet e Policisë gjetën dhe sekuestruan një armë zjarri pushkë, ndërsa gjatë kontrollit fizik këtij shtetasi iu një armë e ftohtë (thikë).
Si pasojë e aksidentit humbi jetën Luan Cenollari, punonjës i Policisë së Burgjeve si dhe pasagjeri në makinën e tij, i identifikuar si Ali Bejo, 59 vjeç.
Mesohet se Cenollari punonte naten edhe si taksist, per te siguruar me shume te ardhura dhe per te perballuar kostot e jeteses ne familjen e tij me dy femije, te cilet i la jetime pa baba.
Njoftimi i policisë
Specialistët e Qarkullimit Rrugor, në bashkëpunim me Komisariatin e Policisë Nr. 2, në përfundim të veprimeve për aksidentin e ndodhur mëngjesin e sotëm, bënë arrestimin në flagrancë të shtetasit E. D., 30 vjeç, për veprat penale “Shkelja e rregullave të qarkullimit rrugore’’, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
Ky shtetas, më datë 11.11.2021, rreth orës 03:20, në kryqëzimin “21 Dhjetori”, duke drejtuar mjetin “Citroen” është përfshirë në një aksident me mjetin “Honda” me drejtues shtetasin L. C., 58 vjeç.
Si pasojë e aksidentit ka ndërruar jetë në vendngjarje pasagjeri në mjetin “Honda”, shtetasi A. B., 59 vjeç, ndërsa drejtuesi, shtetasi L. C. ka ndërruar jetë në spital.
Drejtuesi i mjetit “Citroen”, shtetasi E. D., ndodhet në spital, në gjendje të rëndë.
Gjatë kontrollit të mjetit që drejtonte shtetasi E. D., shërbimet e Policisë gjetën dhe sekuestruan një armë zjarri pushkë, ndërsa gjatë kontrollit fizik këtij shtetasi iu një armë e ftohtë (thikë).
