Dy çifte në Kaliforni sollën në jetë fëmijët e njëri-tjetrit, duke u ngatërruar pas një gabimi në një klinikë fertiliteti.
Sipas mediave të huaja çiftet kaluan muaj duke rritur secilin fëmijë duke menduar dhe shpresuar se ishte i tyre, përpara se të kuptonin se çfarë kishte ndodhur.
Daphne Cardinale tha se ajo dhe burri i saj Alexander kishte dyshime se vajza që lindi në fund të vitit 2019 nuk ishte fëmija i tyre, pasi nuk kishte asnjë prej tiparet e tyre dhe ngjashmëria ishte shumë e vogël.
Ndërkohë që muaj më vonë Cardinale mësoi se kishte qenë shtatzënë me fëmijën e një çifti tjetër që kishte qenë në të njëjtën klinikë.
Familja Cardinale tani ka paditur klinikën e fertilitetit për keqpërdorim mjekësor, neglizhencë dhe mashtrim. Çiftet rritën pa dashje fëmijën e gabuar për gati tre muaj përpara se testet e ADN-së të konfirmonin se embrionet kishin ndryshuar, sipas padisë.
“Ajo dukej vërtet ndryshe nga ne. Por ajo ndihej kaq e njohur për mua sepse e mbajta dhe e linda.“, thotë Daphne.
Ndërkohë pas marrjes vesh të së vërtetës foshnjat u shkëmbyen më pas te prindërit e tyre biologjikë në janar 2020./
