Rrëfimi i shqiptarit Selamet Mehmetaj për biznesin e tij të drogës në Mbretërinë e Bashkuar ka marrë vëmendjen e të gjithëve, ndërsa nuk kanë shpëtuar as mediat greke.
“Protothema” thekson faktin se i riu është me origjinë nga qyteti shqiptar i Tropojës, një qytet me 50,000 banorë në veri, 250 km nga Tirana.
“Selameti njihet si një simbol i mprehtësisë politike dhe partishmërisë shqiptare. Sali Berisha vjen prej andej… Edhe pse faqja e tij në Instagram, e titulluar “Gjak Shqiptari” (që do të thotë gjak shqiptari) është fshirë, faqet e tjera të tij mbeten aktive. Instagrami, shpjegon ai, luajti një rol të rëndësishëm në reklamimin e biznesit të tij,”-thuhet ndër të tjera në shkrimin e medias greke.
Pas zbulimit të gazetës “Daily Mail”, Instagrami hoqi faqen e Selametit. Ne intervisten e tij ai mburrej se si i kishte shpëtuar policisë, pavarësisht se kishte gjetur një armë ruse që e kishte futur kontrabandë nga Shqipëria dhe e kishte fshehur në makinën e tij. Për të gjithë ata që e njihnin, i riu kishte marrë nofkën “Djalli shqiptar”.
