Dy vatra masive zjarri janë aktivizuar në zonën kodrinore me pisha dhe pyll në ‘Marenë‘ të Cerrilës dhe Gjerbes në Mallakastër.
Flakët kanë djegur mbi 50 ha me pisha në kufi me fshatrat Osmenzeze, Plashnik Berat dhe Allkomemaj dhe Rabie Tepelenë. Zjarri i cili po përhapet me shpejtësi për shkak të erës, vijon të jetë ende aktiv.
Zona e cila është përfshirë nga zjarri cilësohet si kurora e gjelber Mallakastër.
Forcat zjarrfikëse janë në terren bashkë me shërbimin pyjor dhe emergjencat civile, duke u përpjekur në shuarjen e flakëve.
