Ish-presidenti Bamir Topi komenton përplasjet në Partinë Demokratike. Ai thotë se Lulzim Basha është produkt i Sali Berishës dhe ky i fundit u vra pikërisht nga “krijesa e tij”.
“Basha erdhi dhe u mbajt nën kontrollin e Berishës. Zoti Basha është në mënyrë ekskluzive produkt politik i Sali Berishës. Erdhi në 2005 kur kontributet në atë parti ishin të jashtëzakonshme. Duke marrë parasysh kontributet në opozitë të PD.
Partia ishte e strukturuar. Vinte nga një betejë e struklturuar opozitare. Unë kam qenë kryetar i Grupit Parlamentar. U futëm në një marrëdhënie substannciale të të bërit politikë, duke respektuar audiencën dhe mjedisin parlamentar.
Erdhi viti 2005, erdhi Lulzim Basha dhe të tjerë por dalloi Lulzim Basha. Aty u përdor futja në struktura nëpërmjet një strukture puro politike. Komiteti i Orientimit të Politikave vinte si një lloj ekspertize. Më pas pati disa poste si ministër”, tha Topi ndër të tjera nb Abc News.
Për ish-bashkëpunëtorine tij, Sali Berishën, Topi u shpres se sot ai është më i dobët dhe i mekur.
“Berisha e sheh veten të vrarë nga krijesa e tij. Berisha sot ka një zë më të dobët, më të mekur dhe me kuota jashtëzakonisht… Mund të kem çdo keqardhje në këtë botë, po për këtë jo (për gjendjen ku ndodhet Berisha).”
