Frika e të gjitha grave është se ndoshta vagina e tyre nuk do të kthehet më në gjendjen e mëparshme, dhe pas lindjes do të pësojë shumë ndryshime të cilat do të ndikojnë në aktivitetin seksual.pas-lindjes-1-1200×750
Ndryshimet që pëson zona vaginale pas lindjes!
Gjatë lindjes muksujt e kanalit të lindjes si edhe të vaginës do të hapen duke krijuar hapësirën e nevojshme që fëmija të dalë. Kjo mundësohet edhe nga veprimtaria e hormoneve.
Vagina do të kthehet në dimensionet e saj normale rreth 6 muaj pas lindjes. Pas rreth 40 ditësh mund të filloni të kryeni marrëdhënie seksuale.
Edhe pas 40 ditësh disa gra nuk mund të kryejnë marrëdhënie seksuale dhe kjo ndodh për shkak se ndiejnë bezdi në zonën e epiziotomisë dhe për pasojë edhe ku është qepur. Një tjetër problem mund të ishte edhe tharja vaginale gjatë aktit prandaj mund të përdorni lubrifikues.
Rënia e dëshirës për seks. Gruaja mund të mos ketë dëshirë për marrëdhënie dhe kjo mund të kthehet në një problem. Lodhja e thekson më tepër këtë mungesë të dëshirës dhe një ndër shkaktarët do të jetë edhe pika e mësipërme. Kjo gjë është më e theksuar sidomos gjatë gjidhënies.
Marrëdhënia nuk do të jetë më si më parë. Gratë vënë re se ndjenjat e tyre kanë ndryshuar dhe kjo shkaktohet nga hapja muskulare që ka ndodhur në zonën e vaginës gjatë lindjes. Në këtë rast mund t’ju vijë në ndihmë një pozicion i favorshëm që jep ndjesinë e ngushtimit. Gjithashtu duhet të kryeni edhe disa ushtrime që ju ndihmojnë në rikuperimin e kësaj zone.
